UT 2006 var haldin í Fjölbrautaskóla Snæfellinga. Fyrirkomulagið á ráðstefnunni var nokkuð ólíkt því sem verið hefur. Fyrirlestrar og málstofur voru færri og markvisst unnið að því að auka virkni þátttakenda.

Ég kynnti Clicker 5.0 hugbúnaðinn á UT2006 í samstarfi við Skólavörubúðina sem selur Clicker auk þess að bjóða upp á námskeið í notkun hans. 

Á UT2006 voru kynnt nokkur mest notuðu námsstjórnunarkerfin hér á landi. Auðvitað var Moodle þar á meðal og stóð Borgarholtsskóli ásamt Fjölbrautaskólanum í Breiðholti að kynningu á Moodle.

Rúsínan í pylsuendanum var svo fyrirlestur Mathew Whelpton frá HÍ um COVCELL verkefnið þar sem Moodle er í aðalhlutverki.